عاشق الإمام vs ألم الجراح

السلام عليكم ورحمة الله وبركاته

بحسب الاجابات على سؤال هل أنت "مع" أو "ضد" فترة التعارف بين البنت والشاب قبل "الخِطبة"؟

تم اختيار عاشق الإمام "آدم" والذي اجاب بـ "مع" و ألم الجراح "حواء" والتي اجابت بـ "ضد"

سيبين كل منا وجهة نظره وذلك خلال 5 ايام بعدها بإستطاعة باقي الاعضاء المداخلة والتعليق

بانتظار نقاش ممتع ومفيد Smile

تحياتي ,,

حسنا انا سأبدأ النقاش ..

اولا اريد معرفة الاسباب التي جعلتك تجيب بـ "مع" ..

السلام عليكم ورحمة الله وبركاته !

مم قلتها أول ما جاوبت بـ مع انه ما بياخذها على عماهـ !

يعني باعتقادي ان فترة التعارف ضرورية جدا جدا للبنت و الشاب !!

و بالنسبة لفترة الخطبة ! مادري اذا كنتي تقصدين فترة الخطبة الي تكون بلا عقد
او الي بينهم عقد شرعي !!

بس بالنسبة لنا احنا كمجتمع بحريني اكيد مافي خطبة جذي يطلع معاها ويقعد

بس بالمقابل في ( مقابلة ) يعني آنا كشخص لمن باروح اتقدم لبنت و بخطبها
أول شي طبيعي ان بسأل عنها و باجوف اخلاقها !

وبعدين لا بد من المقابلة ! عشان اعرف شنو طبيعتها هالبنت .. افكارها .. أخلاقها >> وحتى شكلها ع فكرة !!

يعني الاثنين محتاجين فترة تعارف ! هذي عشرة عمر مو يوم ولا يومين !
مو بعدين اذا خذيتها و اكتشفت فيها اشياء و مواصفات آنا مابيها !! شالفايدة بيكون عقب ما طاح الفاس بالراس ما بيفيد شي !! صح اني بعقلها وبربيها بس ما بقعد طول عمري و آنا بصلح فيها !!

بالنهاية يعني حتى البنت اعتقد انها محتاجة أكثر لفترة التعارف عشان تعرف مع منو بتعيش ومنو شريك حياتها

s ــلآم

اول شي بوضح لك معناة فترة التعارف اللي بقصدها ..

فترة التعارف اللي اقصدها هي الفترة اللي تسبق الخطبة "وجود عقد" ..

مثلا يكونون زملاء دراسة او عمل ويعجبون في بعض بس ما يتقدم الشاب ليطلب البنت مباشرة بس يلتقون مع بعض ويتكلمون بحجة ان كل شخص يبغي يدرس الثاني والله اعلم كم تستمر هالعلاقة وهل يرتبطون في النهاية او لا ..

كل طرف فيه يتعرف على الثاني ويدرس طباعه بالمقابلة وفي فترة الخطوبة ..

ان شاء الله يكون السؤال وضح ..

والان هل لازلت "مع" ..

bi intidarikoma hatta tokmilan

5 ayam chijar ^^

wa li 3awda bi arrad

شوفي اختي !

المقابلة كم بتكون مدتها ؟ ساعة ؟ ساعتين !! قولي اذا زادت بتصر اربع !!

و هذي ابدا ما راح تحدد لي شخصية البنت الي متقدم لها!

يعني ما بقدر اني احكم عليها من أول جلسة لنا فيها !! و حتى بالخطوبة خلاص اهي ارتبطت فيني يعني ما ينفع !!

فضروري قبل اي شي اتعرف عليها !

يعني ليش احنا عندنا ( المواساة ) >> و هذي تكون قبل العقد ليش ؟

يتكلمون مع بعض بالتلفون اوحتى مقابلات وجها لوجه ! عشان يتعرفون على بعض اكثر

آنا لو برافق احد وبصادقه ما بقدر احكم عليه من اول جلسة او أول مكالمة فما بالج يعني بشخص آنا برتبط فيه كل حياتي

و بعدين يعني بالنسبة للي قلتيه اذا كانوا زملاء سواء دراسة او عمل

وجاف البنت عجبته وبغى ياخذها شي طبيعي انه يبدي معاها حوار و فترة تعارف بينهم !!

لاحظي ان هدفه يتعرف عليها عشان الزواج ! يعني انتي قلتي بحجة ان كل شخص يدرس الثاني !!

اهو ما قابلها عشان يسوي حرام !! اهو ما بغى يتكلم معاها الا لانه يبيها !!

يعني شلون بالله يروح ع طول يخطبها !! ما يعرف شنو تفكيرها وشنو طبعها !

معظم الشباب الي اعرفهم يتكلمون قبل الخطوبة !

يعني آنا لمن باجوف وحدة بتكلم معاها بالأول ! ..

.. اتمنى تكونين فهمتي وجهة نظري

ولا زلت ( مع )

طيب اخي وكم تستغرق فترة التعارف هي؟

و الله مو محددة !!

يعيي اسبوع .. شهر .. شهرين !! سنة سنتييين !!

ما لها مدة معينة !!

اخي وتعتقد ان حلوة تطول المدة لسنة واكثر وخلالها بيكون لقاءات وطلعات مع بعض وبالاخير لا سمح الله ما يكون في نصيب ..

جوفي

الفترة اذا وصلت لهالمدة يعني اعتقد انه كلا الطرفين بيكونون متفقين !!

يعني بتكون أول بداية تعارف بعدين خلاص اتفاق بينهم !!

و ما بيواصلون الا وهم متفقين ع الزواج !!

يعني ما اعتقد ان في أحد يتسلى بهالشكل

طيب اخي اني بعرف وحدة تعرفت على شخص وحبوا بعض وعلاقتهم دامت فترة وبالاخير صار موقف وكل واحد راح في طريقه ..

البنت قالت لي اني مو زعلانة عليه زعلانة على الوقت الي ضيعته معه ..

اني ما اقدر احكم على ان مشاعر الشخص تظل مثل ما اهي من الحين لسنة او حتى شهر ..

يمكن صدق تكون العلاقة جدية بالاول بس الله اعلم شنو بيصير خلال هالفترة مثل ان الشاب يشوف بنت بمواصفات تعجبه اكثر او العكس ..

يعني فترة من اللقاءات والطلعات وبعدين يصير شي وكل واحد يروح في حال سبيله ..

اني لازلت "ضد"

يعني انتو ليش دايم تنظرون للجانب المظلم !!

ليش ما تنظرون للجانب المشرق و الايجابي للموضوع !!

يعني كاج قلتي ! ( كل واحد راح بطريقه ) >> يعني ما صار شي !!

و آنا اقولج أكا تقريبا كل اخواني تزوجوا بنفس الطريقة

تعرفوا قبل الخطبة ! و الحمدلله تم الزواج .. و اكا عندهم عيال بعد !

وبعدين احنا ما قاعدين نتكلم عن حب قبل الزواج !! تعارف .. فيعني اهو ياي ويبي يخطب !!

الواحد لمن بيي ويبي البنت من قلبه يعني اذا طولت التعارف لمدة سنة خلاص بيقدر يتحكم بمشاعره !

شنو اي بنت بيجوفها بتعجبه ! شنوو هذا يتسلى !!

يعني وبعدين اي شي يصير خلال فترة التعارف بامكانه خلاص يلغي الفكرة من راسه ! يعني يلغي الزواج و البنت بعد !

يعني ابي افهم انتي ليش متشاءمة هالكثر ؟؟؟؟؟؟؟

وانت ليش معصب هالكثر ..

اللي ما يحسب ما يسلم ..

اني مو متشائمة بس مو مأيدة هالشغلة ..

وثانيا احنا قلنا كل واحد راح في حال سبيله صحيح ..

بس شلون راح تقدر تسكت ألسنة الناس اللي ما ترحمم ..

طول هالمدة يشوفونهم يطلعون مع بعض ومكالمات وبعدين خلاص كل واحد في طريق ..

صحيح ان كل شخص يسوي اللي يشوفه صح وما عليه من الناس بس في مثل هالحالات كلام الناس يذبح ..

جننتك معي في هالنقاش

موب معصب !

رايق ع الآخر ههه

بس انتي موب راضية تقتنعيم ! ووو ميبسة راسج !

و بعدين ليش الناس تدري اساسا !! منو الي بيجوفهم ؟ وبعدين لحظة حق ليش كل يوم و الثاني ماشي معاها

قلنا تعارف موب شرط يعني يطلعون مع بعض ! اوك موب مشكلة يطلعون بس مو يمصخونها

خصوصا يعني اذا كانوا في مجتمع مثل جتمعنا البحريني الي ما يسمح بهالاشياء !

بس اذا كانوا ع التلفون شكو الناس تدري بالسالفة ؟؟

يعني السالفة بسيطة ما يحتاي كل هالتعقيد !

s ـــلآم

هههههههههه

حاسة انك حامل لي عصا وتبغي تضربني

اني مو ميبسة راسي بس مو متنعة .. وبالمناسبة حجي اني بحرينية ..

فترة التعارف اللي اعرفها من خلال بعض الاشخاص تعني طلعة وروحة وجية .. وهذي اللي معترضة عليها وبشدة ..

وحتى اللي بالتلفون اذا تعدت مثلا اسبوع اني ضدها ..

اذا كانوا بيتعرفون على بعض قبل العقد فليش فترة الخطوبة؟! مباشرة يتزوجون ..

هذا رأيي ..

ههههههاي لا موب حامل عصاهع عيب ما يضربون البنات

آنا ضد العنف للجنس الناعم

بس حامل استكانة جاي و احتمال اكتها فوق راسج اذا ما لينتي راسج

و ادري انج بحرينية خخخخ

بس يعني يا بنتي افهميني

الخطوبة غييير و التعارف غير

يعني. بالله عليج اذا تعرفنا في الخطوبة و طلعت موب فارسة احلامي

مو حرام انييي افسخ الخطوبة. !! يعني تكون بلا عقد احسن

و ما عليه خلينا نتنازل وبلا الطلعات و خلينا ع التلفون احسن

بس اسبوع كلش ما تكفي

سلامووووو خليتيني الهي عن الناس بنقاشج هع

هههههههههههههههه

ليش مفكرني بنتظرك تكت الشاي علي

بصراحة ما اقتنعت ..

اذا ما كانت فترة الخطبة للتعارف والتفاهم اكثر فليش انسوي فترة خطوبة طويلة احيانا اكثر من سنتين؟ ..

حاولت اقتنع بس ما اقتنعت شسوي راسي يابس

زين تتناقش في شي مفيد احسن من طق الحنك

اذا عجزت ارفع راية الاستسلام وبخلصك من تكملة النقاش [ندعوك للتسجيل في المنتدى أو التعريف بنفسك لمعاينة هذه الصورة]

هههههههه يمكن من الصدمة توقفين عشان اكت ع راسج

بس للأسف الحين موب جاي عصيييير ما ينفع اخسره على راسج ههههههههه

من صدقج عاد لا و الله انتي معندة على فكرة هاا

يعني فترة الخطوبة بصراحة مالنا دخل فيها هذي على فكرة ما ينقال عنها انها فترة تعرف

هذي تكون لمن يتعودن على بعض بعدين يعرسون خخخ

بس لا اذا تطول على حسب الظروف يعني ناس عندهم تجهيزات .. و ناس كل شي كامل !

عندج اخواني واحد سنتين و نص ليش ؟ يقول يبي يعيش حياته اذا عرس يعني عيال وبلش خخخ

و الثاني اربع شهور و عرس !! لأن كل شي عنده ياهز و موب محتاي فترة خطوبة لانه اساسا كان في فترة تعارف قبل الخطوبة و أهله و أهلنا يعني بيتنا يدرون بهالشي !

...

ما عيزززت .. بس قلتلج تلهيني عن الناس

قاعد في الديوانية و بيدي التلفون و آنا أكتب بدل ما اوجب الضيوف هع

يلا

سلاموو

هههههههههه

اني معقدة ..

يمكن وجهة نظرك مو غلط لكن ما اقتنعت ابها ..

و وجهة نظري مو غلط واني متمسكة برأيي

اني "ضد"

يجووووز ليش لأ !!

بس لا زلت ( مع ) Razz

وبانفذ رايي بعد جرررررررريب Wink

و اتمنى تغيري رايج ! يعني اذا ما غيرتيه ع الاقل تكوني معتدلة مووووب جذي متعصبة له !

s ـــلآموو

اييي !!

وين الناس ؟!

ألم || الباجي الي عندهم مداخلات يا زعم خخخ || وووو لا ادري كفيت ووفيت

النقاش متكامل له

s ــــلآم

إي

كان النقاش حدده حماس ههه

اني إجابتي مع ><

وشو له ضد

بعدين أحسن تتعرف عليها قبل الخطبة وتعرفها عدددل أحسن من بعدين يطلع فيها شي صح ولا

وأكيد بتسأل عنها

وهذا الشي أبد مو غلط :p

دمتم ~

انينووووهـ تبين تقنعيني انج كنتي متابعة هع هع

بس شسمونه عدل كلامج !!

بس مو كأن عندكم سمعت الواحد ياخذهـا ع عماهـ يعني مسيكين لا مقابلة ولا معرفة قبل

صح لو لا ؟

s ــلآم

اني مو متعصبة عاشق بس مقتنعة برأيي

انتي ما تدري شنو بيصير بكرة لنفترض كانوا متفاهمين وفجأة صار شي وألغى هالتفاهم وتركوا بعض .. شنو يظمن ان ما واحد منهم او اثنينهم يشوهون سمعة بعض امام الناس ..

على الاقل فترة الخطبة بيكون في شي رسمي بينهما ..

وعلى قولتكم ما تبغون تاخذون على عمى .. هذا شي صحيح بس في اسلوب ثاني .. السؤال عن الشخص قبل المقابلة وبعدها اذا في تراضي من قبل الطرفين .. وفي المقابلة الشخص يحس اذا كان مرتاح للطرف الثاني او لا ..

وسلامتكم ..

احترم رايج Smile

بس هم بيكون أفضل اذا افترقوا قبل لا يكون بينهم رابط !!

أكييد هذا شي مفروع منه انج بتسألين عن الواحد قبل المقابلة و قبل كل شي !!

بس ما يمنع التعارف بين الشاب و البنت !

وكلِ له راييه في هالشي يعني عندج ناس تأيد هالفكرة و تكون أريح لراسهم

يعني البنت و الولد اهما الي يتفاهمون بعيدا عن الأهل و تأثيرهم !

و اذا صار شي !! اهما الي يتحملون المسؤولية !!

s ــلآم

» عاشق الإمام <<<< بالأزرق ..~
» رحبو بالاخت الم الجراح
» قال الإمام علي (ع) : ويل لمن يقرأها ولا يفهمها
» >>||~ ع ــآشق الإمام " ومدونتهـ " ~||<<
» حرز الإمام الرضا (عليه السلام)