((حمامات الدمع))في سماء الحسين واثق العيساوي

(( حمامات الدمع))

حاير يا حسين شاكتب وضلـــــــيت
ساكت واللسان احتار شيكــلك
سرك مو سهل حتى اني اسولف بيه
تمر بيك السنين ومحد يحـــلك
موشرط اليشوفك كون عندة عيون
بس عيون كلبه مفتحة يوصلك
ميشوف القلم,حس بالقصيدة عليك
على دروب الدفاتر راح واندلك
عكس كل البشر بجيت (طه)بــيوم
ميلادك اجة وعيونة يجرنلـــك
دمع ضل بالمهد ضميته للطف ماي
لذلك أي عطش ما جان يوصلك
شفت الماي ذل مادنكت للــــــماي
شلت راسك عطش بس كون ميذلك
وانت الكوثر امك لوردت يحسين
تشيل جفوف ايديك انهار تــــــنزلك
تودي دموع عينك كون يفتهموك
من عيون النبال ســــــــهام ردنلك
وعطشان اشتكالك من ضماه السيف
رويته بدمائك موت قدمـــــــــــــلك
حمامات الدمع فوك بسمة الوجنات
وصلن مصرعك وجروح عدلــــــك
فين عالجسد بجناحــــــهن مولاي
وعلى كد الجروح دموع صبنــــلك

راسك عالرمح ويفيي عالايتـــــام
صعد قرص الشمس بس ما مسح ضــلك
نعم فوك الرمح بس غيرة تنضح بيه
مال على الحرم بس التعب شـــــــلك
مال وماوكع....... مايوكع وعباس
نخه جفوفه القطيعة وكام عدلـــــــك
على راس المجد مو عالرمح مرفوع
وشفافك حكم وايات يقرنــــــــــــــلك
اذن في كربله لازم نزل جبريل
اذا ماجان نازل بـــــــيش نزلنـــلك
وعلى باب الفرح وكفت الروح تريد
تنزع كل ذنبهه وشوك تدخــــــــلك
ملت كل عشك بس لو كلت يحسين
تذكر هواك ...وتعجز تــمــــــــــلك

((واثق العيساوي))

كلمات رائعة جدا ..

سلمت يمناكِ عزيزتي على نقل هذه الأبيات المؤثرة ..

دمتِ بود

قصيدة جميلة، تسلمي و بارك الله فيكِ اختي العزيزة
تقبلي مروري و تحياتي لكِ

الأخوات الفاضلات ملاك الزهراء وأرجوحة الهوى أشكر مروركما برائعة من روائع الميرزا واثق العيساوي

» ***نجمات في سماء ربي***
» مـآإهـي قيمـة الدمع ـة ع الإمـآإمـ الح ـسيــن ..؟ |~××
» عش بإحساس.. و يسكب الدمع بين عروق الألم..